LANGVINNIR HÖFUÐVERKIR

Höfuðverkir, mildir eða slæmir, eru mjög algengir. Svo algengir að flestir einstaklingar telja ekki ástæðu til að láta skoða það nánar. Engu að síður hafa höfuðverkir oft margvísleg áhrif á líðan fólks og draga úr lífsgæðum og vinnufærni.  Að vinna vel úr höfuðverkjavanda krefst oft aðkomu þverfaglegs hóps aðila með breiða sérþekkingu sem geta veitt einstaklingum heildræna aðstoð með heilsuvandann.

Á námskeiðinu „Langvinnir höfuðverkir – leiðir til betri heilsu og virkni“ verður fjallað um mismunandi gerðir höfuðverkja, rætt um tengd heilsuvandamál (s.s. almenna verki, þreytu, streitu og óæskilegar tilfinningar) og fjallað um meðferðarleiðir til betri líðan, þar á meðal um líkamsæfingar, slökun, breytt mataræði, úrvinnslu óheppilegra tilfinninga og lyfjameðferð.

Hverjum þátttakanda býðst að svara nokkrum matslistum og fá skriflega endurgjöf varðandi stöðu höfuðverkjavandans og tengdra vandamála samkvæmt matslistunum.

Sérvalinn  hópur  fagaðila  stendur  að  námskeiðinu;  tveir  læknar,  sálfræðingur,  sjúkraþjálfari, sérfræðingur í streitustjórnun og slökun og næringarfræðingur.

Námskeiðið er samtals 8 klukkustundir, tvær klst í senn í fjögur skipti. Hverjum þátttakanda býðst að taka einn aðstandanda með sér á námskeiðið, viðkomandi að kostnaðarlausu. Nánari upplýsingar og skráning er á geta.health

Næsta námskeið verður haldið dagana 21, 23, 28. og 30. maí 
klukkan 15-17 alla þessa daga. 

Námskeiðið er haldið í fræðslusal Þrautar ehf. að Höfðabakka 9, 110 Reykjavík.

Einnig er hægt að taka þátt í fjarfundi á Zoom.

Nánari upplýsingar: hello@geta.health

Fyrirlesarar:

Ólafur Árni Sveinsson - Heila- og taugalæknir

Arnór Víkingsson - Gigtlæknir

Ágústa Ýr Sigurðardóttir - Sjúkraþjálfari

Eggert S Birgisson - Sálfræðingur

Hugrún Guðmundsdóttir - Félagsráðgjafi MA, núvitundar- og jógakennari, markþjálfi

Freydís Guðný Hjálmarsdóttir - Næringarfræðingur